Notifications
Clear all

1978 - Aayiram Jenmangal - Naan Adaatha Aattam Ille  

  RSS

K.T.RAMANAN
(@k-t-ramanan)
Trusted Member
Joined: 1 year ago
Posts: 82
10/09/2020 6:03 pm  

நாட்டுப்புற பாடல்கள்

பாடல் : நான் ஆடாத ஆட்டமில்லே
படம் : ஆயிரம் ஜென்மங்கள்
பாடியவர்கள் : பி.சுசீலா, குழுவினர்
பாடலாசிரியர் : கண்ணதாசன்
இசை : எம்.எஸ்.விஸ்வநாதன்
வருடம் : 1978

அனைவருக்கும் வணக்கம்.

நடிகை ஷீலா இயக்கி, நடித்து மலையாளத்தில் வெற்றிபெற்ற "யக்ஷகானம்" என்ற படத்தின் ரீமேக் தான் "ஆயிரம் ஜென்மங்கள்". விஜயகுமார், லதா, பத்மப்ரியா மற்றும் ரஜினிகாந்த் முக்கிய வேடங்களில் நடித்து வெளிவந்த இந்த படமும் மிகப்பெரிய வெற்றிபெற்றது.

பெரும்செல்வந்தரான நாயகன் விஜயகுமார். அவர் மனைவி லதா. லதா சரியான நாட்டுப்புறத்தான். லதாவின் அண்ணன் ரஜினிகாந்த். அவர் ஒரு மருத்துவர். விடுமுறையில் ரஜினிகாந்த் விஜயகுமார் வீட்டிற்கு வருகிறார். அந்நேரம் விஜயகுமாருக்கு சொந்தமான எஸ்டேட்டில் பிரச்சனை ஒன்று எழ, அதை தீர்த்துவைப்பதற்காக எல்லோருமாக அந்த எஸ்டேட்டுக்கு போகிறார்கள். அங்கு லதா மீது பேய் ஒன்று புகுந்துவிடுகிறது. அதற்க்கு ஒரு லட்சியம் உள்ளது - விஜயகாந்தை தன்னுடன் அழைத்துச்செல்லவேண்டும் என்பது. பேய் பிடித்த பிறகு லதாவின் நடை, உடை, பாவனை எல்லாமே மாறிவிடுகிறது. லதாவாயிலாக விஜயகுமாரை கொன்று தன் இலட்சியத்தை நிறைவேற்ற பேய் விடாது எத்தனிக்கிறது. அப்போதெல்லாம் லதாவின் சகோதரர் சாமர்த்தியமாக அதை முறியடிக்கிறார்.

பேய் விஜயகுமாரை தன்னுடன் அழைத்துச்செல்ல நினைக்கும் காரணம் என்ன? பேய் தனது லட்சியத்தில் வெற்றிபெறுகிறதா? ரஜினிகாந்த் எப்போதும் போல் பேயின் இலட்சியத்தை முறியடித்து தனது சகோதரியையும், அவர் கணவரையும் காப்பாற்றுகிறாரா என்பது மீதி கதை.

தமிழ் மக்களின் ரசனைக்கேற்ப பல மாற்றங்கள் செய்யப்பட்டிருந்தன.

விஜயகுமார், லதா, ரஜினிகாந்த் மற்றும் குடும்பத்தினர் எஸ்டேட் பங்களாவில் தங்கியிருக்கும் பொழுது "Workers Day" வருகிறது. அந்த நிகழ்ச்சியில் பங்குபெற இவர்கள் செல்கிறார்கள். அப்போது ஆடிக்கொண்டிருக்கும் பெண்கள் லதாவையும் இழுத்துச்சென்று ஆடவைக்கிறார்கள். அப்போது பாடப்படும் பாடல் தான் இந்த பாடல்.

கிளாசிக்கல் + folk + மெல்லிசை மூன்றையும் வெகு நேர்த்தியாக கலந்து ஒரு புதுவிதமான பாணியில் வழங்கப்பட்டுள்ள பாடல். Folk பாணியில் "telugu" வாடை தொனிக்கிறது.

Prelude - சற்றே lengthy-யான prelude. தபலா, Tape (if I am not wrong ) மற்றும் Duggi Tarang இவையில் ஒரு piece. தொடர்ந்து Duggi Tarang -ங்கில் ஒரு சிறு roll. அதை தொடர்ந்து முதலில் ஒலித்த அதே piece ஒலிக்கிறது. தொடர்வது Clarinet + புல்லாங்குழலில் ஒரு piece. இங்கு காலமாக முதலில் குறிப்பிட்ட தாளக்கருவிகள் வாசிக்கப்பட்டுள்ளது. தொடர்வது "Claps" + Guitar chords piece. தொடர்ந்து Claps + Synthesizer + Bass Guitar piece. தொடர்ந்து மீண்டும் Clarinet + புல்லாங்குழல் piece - இது prelude-டை நிறைவு செய்கிறது.

Pallavi – இசைக்கருவிகளின் accompaniment ஏதுமின்றி பல்லவியை ஆரம்பிக்கிறார் சுசீலா. முதல் வரியை பாடி அதை இழுத்து sustained ஆக hum செய்யும் போது அங்கு தபாலாவில் "theka" சேர்க்கப்பட்டுள்ளது. அதே பாணியில் அடுத்த வரியும் பாடப்படுகிறது. மூன்றாவது வரி பாடப்படும் போது பாதையிலிருந்து theka-வோடு தபலாவில் தாளம் தொடங்குகிறது. நான்காவது வரியையும் பாடி, இடைவெளி இன்றி மீண்டும் மூன்றாவது + நான்காவது வரிகளை பாடுகிறார். Rhythm ஆரம்பிக்கும் போது "Tape"-ப்பும் வாசிக்கப்பட்டுள்ளதோ என தோன்றுகிறது - Audio தரம் சரியில்லாததால் சரிவர புரிந்துகொள்ள முடியவில்லை. தொடர்வது அனுசரணம் - இங்கு மெட்டு மாறுகிறது - நான்கு வரிகளை பாடுகிறார் (இரண்டு வார்த்தைகளுக்கு பிறகு "comma" என்று வைத்துக்கொண்டால் இரண்டு வரிகளாகவும் எடுத்துக்கொள்ளலாம்). அது முடிந்ததும் அப்படியே "jump" அடித்து பல்லவிக்கு தாவுகிறார். பல்லவியின் இரண்டு வரிகளை பாடி நிறைவு செய்கிறார்.

First BGM – முதலில் Clarinet + புல்லாங்குழலில் ஒரு piece - அதுவே இரண்டு வித மெட்டுக்களில் ஒலிக்கிறது. தொடர்வது Sitar + Mandolin -னில் ஒரு piece. இதற்க்கு பின்னணியில் Guitar chords -ஸும் சேர்க்கப்பட்டுள்ளது. முதல் பகுதிக்கு தாளமாக Tape + Congos வாசிக்கப்பட்டுள்ளது. இரண்டாவது பகுதிக்கு தபலா வாசிக்கப்பட்டுள்ளது.

First Charanam – சரணத்தின் முதல் நான்கு வரிகளை பாடுகிறார் (சிலருக்கு அது இரண்டு வரிகளாகக்கூட தோன்றலாம்) - இங்கு இரண்டு வரிகள் முடியும் போது அதற்க்கு Accordion-னில் என நினைக்கிறேன் மிகச்சிறிய ஒரு interlude சேர்க்கப்பட்டுள்ளது. இந்த வரிகள் repeat ஆவதில்லை. இதுவரை தாளத்திற்கு தபலா பயன்படுத்தப்பட்டுளள்து. சட்டென்று அனுசரணத்திற்கு தாவப்படுகிறது. அனுசரணத்தின் இரண்டு வரிகள் பாடப்படுகிறது. அதற்க்கு Clarinet + புல்லாங்குழலில் ஒரு interlude. இந்த பகுதியில் தாளத்துக்கு தபலாவோடு மற்றுமொரு கருவியும் வாசிக்கப்பட்டுள்ளது - ஒருவேளை அந்த "டும் .. டும் ..." என்ற ஒலி தபலாவில் சுத்தியால் தட்டி எழுப்பிய ஒலியாகக்கூட இருக்கக்கூடும். தொடர்ந்து அதே வரி மீண்டும் பாடப்பட்டு அடுத்த இரண்டு வரிகளும் பாடுகிறார். அந்த இரண்டு வரிகள் மீண்டும் ஒருமுறை கூட பாடப்படுகிறது. அதிலிருந்து அப்படியே பல்லவியின் மூன்றாவது மற்றும் நான்காவது வரிகளுக்கு தாவுகிறார். தொடர்ந்து பல்லவியின் முதல் இரண்டு வரிகளை பாடி சரணத்தை நிறைவு செய்கிறார். பல்லவியின் இந்த வரிகளை பாடும் போது modulations மாறுபடுகிறது. தபலாவில் ஒரு roll இந்த பகுதியை நிறைவு செய்கிறது.

Second BGM – Clarinet + புல்லாங்குழலில் ஒரு lengthy piece . இந்த பகுதிக்கும் தாளமாக Tape + Congos வாசிக்கப்பட்டுள்ளது. அடுத்த பகுதி Sitar + Mandolin piece and Accordion counter - இது relay பாணியில் அமைந்துள்ளது. இந்த பகுதிக்கு String (வயலின் + Cello) section-னில் ஒரு heavy counter melody serkkappattullathu – which conveys some scheming is in the pipeline (and the following charanam justifies that). இங்கும் தாளத்துக்கு தபலா வாசிக்கப்பட்டுள்ளது.

Second Charanam – இந்த சரணமும் முதல் சரணம் போலவே அமைக்கப்பட்டுள்ளது. ஒரே ஒரு சிறு மாறுதல் - சரணம் முடிந்ததும் பல்லவியின் பாதியை பாடாமல் நேராக பல்லவிக்கு தாவுகிறார். பல்லவியின் நான்கு வரிகளை பாடி, பிறகு முதல் இரண்டு வரிகளை பாடி பாடல் நிறைவு பெறுகிறது.

Postlude – it’s an array or percussion instruments - Tape + தபலா + மற்றுமொரு தாளக்கருவி படுவேகமாக வாசிக்கப்பட்டு "theka"-வோடு நிறைவு செய்யப்படுகிறது. இதற்க்கு counter ஆக Clarinet ஒலிக்கிறது.

பாடல் நெடுக தாள நடை மாறுபடுவதை கவனிக்கவும்.

பாடல் சுசீலாவின் குரலில் தேனாக ஒலித்தும், ஜானகியின் இரண்டு "பேய் பாடல்கள்" இந்த பாடலை விழுங்கி விட்டது.

மீண்டும் ஓர் அரிய / அற்புதமான பாடலுடன் உங்களை சந்திக்கும் வரை உங்களிடமிருந்து நன்றி மற்றும் வணக்கம் கூறி விடைபெற்றுக்கொள்வது,

உங்கள் அன்பன்,

ரமணன் கே.டி.

https://youtu.be/Njn6-Rmi-CM


Quote
Share: