Notifications
Clear all

1973 - Ponnoonjal - Nigarethu Enakku Nigarethu  

  RSS

K.T.RAMANAN
(@k-t-ramanan)
Member Moderator
Joined: 2 years ago
Posts: 115
08/11/2020 4:02 pm  

நாட்டிய (கிளாசிக்கல்) பாடல்கள்

பாடல் : நிகரேது எனக்கு நிகரேது
படம் : பொன்னூஞ்சல்
பாடியவர்கள் : டி.எம்.சௌந்தரராஜன், பி.சுசீலா
பாடலாசிரியர் : கண்ணதாசன்
இசை : எம்.எஸ்.விஸ்வநாதன்
வருடம் : 1973

அனைவருக்கும் வணக்கம்.

சிவாஜி - உஷாநந்தினி அத்தை மகன் - மாமன் மகள். இருவரும் ஒருவரை ஒருவர் காதலிக்கிறார்கள். உஷாநந்தினியின் முறைமாமன் எம்.என்.நம்பியார். அவரும் உஷாநந்தினியை விரும்புகிறார். ஆனால் உஷாநந்தினிக்கும், அவர்கள் பெற்றோர்களுக்கும் அதில் விருப்பமில்லை. அந்த ஊர் மைனர் முத்துராமன். நம்பியாரும், முத்துராமனும் நெருங்கிய நண்பர்கள். அந்த ஊர் திருவிழாவிற்காக புதிய நாட்டாமை தேர்வு நடைபெறுகிறது. அதில் சிவாஜி பெயரும், முத்துராமன் பெயரும் சிபாரிசாக வர, சிவாஜி புதிய நாட்டாமையாக தேர்ந்தெடுக்கப்படுகிறார். பெற்றோர்கள் சிவாஜி-உஷாநந்தினி திருமணத்தை நடத்த தீருமானித்து நிச்சயதார்த்தம் வரை வருகிறது. ஆனால் பண விவகாரத்தால் நிச்சயம் நடக்காமல் போகிறது. சிவாஜியும் உஷாநந்தினியும் ஒருவரை ஒருவர் பார்த்துக்கொள்ள தடைவிதிக்கப்படுகிறது. நம்பியார் இந்த சந்தர்பத்தை தனக்கு சாதகமாக்கிக்கொள்ள திட்டமிடுகிறார். அந்த ஊரில் பெரிய நாட்டியக்காரியாக வலம்வருபவர் சிஐடி சகுந்தலா. அவரை பகடையாக வைத்து உஷாநந்தினியை பழிவாங்க திட்டமிடுகிறார் - அதாவது முத்துராமனை சகுந்தலா தன் வலையில் சிக்கவைக்கவேண்டும். பிறகு முத்துராமனுக்கும், உஷாநந்தினிக்கும் திருமணம் செய்துவைக்கவேண்டும், ஆனால் அது பெயருக்கு தான், மனைவியாக சகுந்தலா தான் வாழுவாள், உஷாநந்தினி வாழாவெட்டியாக சித்திரவதை அனுபவிப்பாள்.

இந்நேரம் மீண்டும் நாட்டாமை தேர்வு வருகிறது. அதில் முத்துராமனுக்கு போட்டியாக யாரும் இல்லாததால் அவரே நாட்டாமையாக தேர்வு செய்யப்படுகிறார். மாரியம்மன் கோவில் திருவிழாவும் வருகிறது. அதில் வழக்கம் போல் நாட்டிய நிகழ்ச்சி நடைபெறுகிறது. சிவாஜியும், சகுந்தலாவும், நம்பியாரும் பங்குபெறுகிறார்கள். அப்போது வரும் பாடல் தான் “நிகரேது எனக்கு நிகரேது” என்ற பாடல்.

நாட்டியத்திற்கான theme - சக்தி பெரிதா அல்லது சிவம் பெரிதா. சிவனாக சிவாஜியும், சக்தியாக சகுந்தலாவும், எமனாக நம்பியாரும் நடிக்கின்றனர்.

இந்த பாடல் "சாருகேசி + சிம்மேந்திரமத்தியமம்" ராகத்தை அடிப்படையாக கொண்டுள்ளது என நினைக்கிறேன், if I am not wrong (தவறாக இருந்தால் மன்னித்து விடுங்கள்).

Prelude - பதினான்கு வினாடிகள் வயலினில் விளையாட்டு - படிப்படியாக pitch ஏறிக்கொண்டே போகிறது. தாளத்துக்கு மிருதங்கம், மெருகூட்ட சலங்கை.

பாடல் முழுக்க கவனிக்கப்படவேண்டிய சில இசை நுணுக்கங்கள் - சுசீலா பாடும் portion-னுக்கு மற்றும் இசைக்கோர்வையில் ஒலிப்பது சலங்கை மற்றும் ஜால்ரா (கிண்ணாரம்). TMS பாடும் portion-னில் சலங்கை ஒலி தவிற்க்கப்பட்டுள்ளது (காரணம் சிவாஜி கால்களில் அணிந்திருப்பது "தண்டை") - அங்கு ஜால்ரா மட்டுமே வாசிக்கப்பட்டுள்ளது. இந்த இரண்டுமே மிகவும் subtle ஆகத்தான் வாசிக்கப்பட்டுள்ளது. இவை இரண்டும் வாசிக்கப்பட்டுள்ள விதம் மாறிக்கொண்டே இருப்பதை உற்றுக்கவனித்தால் உணரலாம்.

Pallavi - நிகரேது, எனக்கு நிகரேது என்று பல்லவி ஆரம்பமாகிறது. இதில் முதல் வார்த்தைக்கு தாளம் சேர்க்கப்படவில்லை. அந்த வார்த்தை முடியும் தருணத்தில் ஒரு roll-லோடு மிருதங்கம் தாளமாக சேர்ந்துகொள்கிறது. அதற்க்கு மிகவும் ரம்மியமான ஒரு interlude புல்லாங்குழல் வாயிலாக. அதை தொடர்ந்து அதே வரிகள் repeat செய்யப்பட்டு அடுத்த இரண்டு வரிகள் பாடப்பட்டு அந்த வரிகளும் ஒரு முறை கூட பாடப்படுகிறது. தொடர்ந்து "நிகரேது........" என்று இழுத்துப்பாடி அப்படியே "எனக்கு நிகரேது......." என்று இழுத்துப்பாடி பல்லவி நிறைவு பெறுகிறது.

முதலில் ஒரு Bar-றுக்கு வயலின் "தாவும்" பாணியில் வாசிக்கப்பட்டுள்ளது. அதற்க்கு பிறகு ஒரு Bar-றுக்கு புல்லாங்குழல் "சுழலும்" பாணியில் வாசிக்கப்பட்டுள்ளது. இந்த BGM-ம்மை நிறைவு செய்வது Xylophone-னில் ஒரு run.

First Charanam - சரணத்தின் முதல் இரண்டு வரிகளை பாடி, அது முடியும் போது அதை இழுத்து அப்படியே ஆலாபனை செய்கிறார் சுசீலா. தொடர்ந்து அந்த வரிகள் மீண்டும் பாடப்படுகிறது. தொடர்ந்து அடுத்த இரண்டு வரிகள் பாடப்பட்டு, அதுவும் மீண்டும் பாடப்படுகிறது. தொடர்வது அனுசரணம். இங்கு வேறு மெட்டில் நான்கு வரிகள் பாடப்படுகிறது. அதில் வரும் கடைசி இரண்டு வரிகள் மீண்டும் பாடப்பட்டு, அதை அப்படியே இழுத்து பல்லவிக்கு தாவுகிறார். "நிகரேது......." என்று இழுத்துப்பாடி அடுத்த வார்த்தைகளாக "எனக்கு நிகரேது...." என்று இழுத்துப்பாடி முதல் சரணம் நிறைவு பெறுகிறது.

இங்கு சரணத்தில் தாளங்கள், theka இவைகள் மாறிக்கொண்டிருப்பதை கவனிக்கவும்.

Second BGM - முதலில் வயலின் மற்றும் புல்லாங்குழல் சேர்ந்து ஒலிக்கிறது. அதை தழுவி புல்லாங்குழல் தனியாக ஒலிக்கிறது. தொடர்ந்து மீண்டும் வயலின் மற்றும் புல்லாங்குழல் ஒலிக்கிறது. அதை தழுவி மறுபடியும் புல்லாங்குழல் தனியாக ஒலிக்கிறது. அதை தழுவி வீணையில் ஒரு lengthy piece. தொடர்ந்து மீண்டும் வயலினும் புல்லாங்குழலும் சேர்ந்து ஒலித்து இந்த BGM நிறைவு பெறுகிறது.

Second Charanam - இந்த சரணத்தையும் சுசீலா மட்டுமே பாடுகிறார். சரணத்தின் முதல் மூன்று வரிகளை ஒரு தாளக்கட்டில் பாடி, அடுத்து அதே வரிகளை வேகமாக வேறு தாளக்கட்டில் பாடுகிறார். அதிலிருந்து அப்படியே அடுத்த மூன்று வரிகளுக்கு தாவுகிறார், இப்போது மீண்டும் தாளக்கட்டு மாறுகிறது - அதாவது சரணத்தின் முதல் மூன்று வரிகளை பாடிய அதே தாளக்கட்டிற்கு. அதை தழுவி அப்படியே அந்த வரிகளை மீண்டும் வேகமாக பாடுகிறார். அதை தொடர்ந்து அடுத்த இரண்டு வரிகள் பாடுகிறார் - இப்போது "bhaavangal" மாறுபடுகிறது. அந்த வரிகளும் மீண்டுமொருமுறை பாடப்படுகிறது. தொடர்ந்து அப்படியே "நிகரேது..........." "எனக்கு நிகரேது....." என்று மாறுபட்ட "bhaavathil" பாடி இந்த சரணம் நிறைவு பெறுகிறது.

Third BGM - இங்கு பாடலின் "bhaavam" மாறுகிறது. இதுவரை சாந்தமாக பார்த்துக்கொண்டிருந்த சிவன், சினம் கொண்டெழுவதை உணர்த்தும் இசை ஒலிக்கிறது - முதலில் வயலின் note ஒன்று வாசிக்கப்பட்டு அது sustained ஆக ஒலித்துக்கொண்டிருக்கிறது. தொடர்ந்து வயலின் "த்ரில்லிங்" effect-டோடு ஒலிக்கிறது. வயலினில் வேறுவிதமாக piece ஒலித்து இந்த BGM நிறைவு பெறுகிறது - இதோடு சேர்ந்து "Trumpet" மிகவும் subdued ஆக வாசிக்கப்பட்டுள்ளது என நினைக்கிறேன். இந்த full BGM -ம்மிலும் Cello கூட வாசிப்பட்டிருக்கலாம். கடைசி வயலின் + Trumpet piece பகுதிக்கு தாளக்கருவிகள் ஏதும் வாசிக்கப்படவில்லை. அதற்க்கு முன் பகுதி வரை மிருதங்கம் "அதிர்வு" ஏற்படும் பாணியில் வாசிக்கப்பட்டுள்ளது. "த்ரில்லிங்" effect சேர்க்க "சிம்பல்"-லும் இதைவிட்டு வாசிக்கப்பட்டுள்ளது.

Third Charanam - இப்போது TMS enter ஆகிறார் - ஆவேசமாக தாண்டவ பாணியில் பாடிக்கொண்டு. முதல் இரண்டு வரிகளை "தாவும்" பாணியில் பாடி அதன் முடிவில் அப்படியே ஆலாபனைக்கு தாவுகிறார். பிறகு அதே வரிகளை மீண்டும் பாடுகிறார். பிறகு அதே பாணியில் அடுத்த இரண்டு வரிகளை பாடி அதையும் மறுபடி பாடுகிறார். தொடர்ந்து அடுத்த இரண்டு வரிகளை பாடி அதையும் repeat செய்கிறார் - இந்த பகுதியில் மெட்டு மாறுபடுகிறது. அடுத்து வரும் வாரியான "வேகம் வர, ராகம் வர, ஆடம் வரம், பாவம் (bhaavam) வர, துடிக்கும் ....... " என்பதில் மீண்டும் மெட்டு மாறுகிறது. இந்த வரிக்கு பிறகு வயலினும், புல்லாங்குழலும் சேர்ந்து ஒரு interlude - இது கொதித்தெழுதல் போன்ற உணர்வை ஏற்படுத்துகிறது. தொடர்ந்து அடுத்த இரண்டு வரிகளை பாடுகிறார் - இங்கு மீண்டும் மெட்டு மாறுபடுகிறது. இந்த வரியை மீண்டும் ஒருமுறை பாடுகிறார். அடுத்து வரும் வரியான "சக்திக்கும், பதிக்கும், நடக்கும் கதையை முடிக்கும் ஒருவன் நான்......" என்பதில் மீண்டும் மெட்டு மாறுபடுகிறது. அது முடியும் போது அப்படியே ஆலாபனைக்கு தாவுகிறார். இதுவரையில் தாளத்துக்கு மிருதங்கம் மற்றும் தபலா பயன்படுத்தப்பட்டுள்ளது. "ஜால்றா"வும் மிகவும் சன்னமாக சேர்த்துள்ளார். வரிக்கு வரி தாளங்கள் மாறுபட்டுக்கொண்டே இருக்கிறது. இத்தோடு பாடல் முடிந்துவிடுகிறது. தொடர்வது Postlude.

Postlude – 1.25 நிமிடங்கள் தாளவாத்தியங்களின் ஜாலம் தான். மிருதங்கம், செண்டை, மத்தளம், தபலா தரங் இவை புகுந்து விளையாடியுள்ளன. "உத்வேகம்" உருவாகும் பாணியில் வாசிக்கப்பட்டுள்ளது. இவற்றோடு மெருகு சேர்க்க சலங்கையும் வாசிக்கப்பட்டுள்ளது.

கொண்டாடப்படவேண்டிய பாடல். ஆனால், ஏனோ போதிய வரவேற்பு பெறாமல் போய்விட்டது. இந்த படத்தின் மற்ற பாடல்களாக "ஆகாய பந்தலிலே", "முத்துச்சரம் சூடி வரும்", "நல்ல காரியம் சீக்கிரம் நடக்கணும்" மற்றும் "வருவான் மோகன ரூபன்" அடைந்த வெற்றி இந்த பாடலை மழுங்கடித்துவிட்டது.

மீண்டும் ஓர் அரிய / அற்புதமான பாடலுடன் உங்களை சந்திக்கும் வரை உங்களிடமிருந்து நன்றி மற்றும் வணக்கம் கூறி விடைபெற்றுக்கொள்வது,

உங்கள் அன்பன்,

ரமணன் கே.டி.

https://youtu.be/9MaptqhEZjM


Quote
Share: